پاکستان میں سیاسی جبر پر امریکی کانگریس کا کمیشن سماعت کرے گا
حقوق سے متعلق امریکی کانگریس کا ادارہ 'ٹام لینٹوس ہیومن رائٹس کمیشن' پاکستان میں اپوزیشن کے ساتھ مبینہ طور پر جاری سیاسی جبر کا جائزہ لینے کے لیے ایک سماعت کرے گا۔
یہ کمیشن 2008 میں انسانی حقوق کے فروغ، دفاع اور وکالت کے مقصد سے قائم کیا گیا تھا۔
سماعت کی تفصیلات
سماعت منگل کے روز سہ پہر ساڑھے تین بجے ہوگی، جس میں حکومت پاکستان کی جانب سے حزب اختلاف، صحافیوں پر ظلم، میڈیا کنٹرول اور انتخابات میں رکاوٹوں کا جائزہ لیا جائے گا۔
سماعت میں سید ذوالفقار بخاری، ایمنسٹی انٹرنیشنل کے نمائندے بین لنڈن، جیراڈ جینسر اور صادق امینی بطور گواہ شامل ہوں گے۔
عمران خان اور انسانی حقوق
عمران خان اگست 2023 سے اڈیالہ جیل میں قید ہیں۔ ان پر 190 ملین ڈالر کرپشن اور دہشت گردی ایکٹ کے تحت مقدمات ہیں۔ ہیومن رائٹس واچ اور ایچ آر سی پی نے بھی پاکستان میں انسانی حقوق کی صورت حال پر تشویش کا اظہار کیا ہے۔
میڈیا پر پابندیاں
فریڈم نیٹ ورک کی رپورٹ کے مطابق میڈیا آزادی پر شدید دباؤ ہے۔ 'پیکا ایکٹ' کے تحت صحافیوں اور مخالفین کو گرفتار کرنے کے اختیارات میں اضافہ کیا گیا ہے۔
ذوالفقار بخاری کا بیان
ذوالفقار بخاری نے کہا کہ وہ عمران خان، ان کی اہلیہ اور دیگر سیاسی قیدیوں کے ساتھ ہونے والی زیادتیوں کو اجاگر کریں گے۔ انہوں نے اظہار رائے کی آزادی کے تحفظ کی ضرورت پر زور دیا۔
مزید خبریں:
رپورٹ: رانا عمیر نور، روزنامہ خوبیاں