حافظ آباد: مٹھائی کھانے سے دو بچے جاں بحق، چھ کی حالت نازک
حافظ آباد (نمائندہ خصوصی)
حافظ آباد میں افسوسناک واقعہ پیش آیا، جہاں نامعلوم شخص کی جانب سے بچوں میں مٹھائی تقسیم کی گئی۔ مٹھائی کھانے کے بعد دو بچے موقع پر ہی جاں بحق ہوگئے جبکہ چھ بچوں کو تشویشناک حالت میں ڈسٹرکٹ ہسپتال منتقل کیا گیا۔
ذرائع کے مطابق متاثرہ بچوں کی حالت انتہائی تشویشناک بتائی جا رہی ہے، اور انہیں ایمرجنسی وارڈ میں داخل کیا گیا ہے۔ طبی عملہ متاثرہ بچوں کی جان بچانے کے لیے کوشاں ہے۔
پولیس اور متعلقہ حکام واقعہ کی تحقیقات میں مصروف ہیں، جبکہ مٹھائی میں ممکنہ زہریلے مواد کی موجودگی کا شبہ ظاہر کیا جا رہا ہے۔ علاقے میں خوف و ہراس کی فضا قائم ہو گئی ہے۔
اہلِ علاقہ اور والدین سے پرزور اپیل کی گئی ہے کہ اپنے بچوں کی مکمل نگرانی کریں اور کسی اجنبی شخص سے ملنے والی چیز ہرگز نہ کھانے دیں۔ یہ واقعہ معاشرے کے لیے لمحہ فکریہ ہے۔
ہماری دعا ہے کہ متاثرہ بچوں کی جانیں محفوظ رہیں اور ملزمان جلد قانون کی گرفت میں آئیں۔