گوجرخان: تیز رفتاری کے باعث مرغیوں والی گاڑی یو ٹرن پر الٹ گئی، دو افراد زخمی
گوجرخان (بیوروچیف روزنامہ خوبیاں عبدالشکور لدھوی)
گوجرخان بلدیہ آفس کے سامنے واقع یو ٹرن پر تیز رفتاری کے باعث ایک خطرناک حادثہ پیش آیا۔ واقعہ رات 2 بجے کے بعد پیش آیا جب ایک تیز رفتار مزدا گاڑی نے مرغیوں سے بھری گاڑی کو ٹکر مار دی۔
ٹکر کے نتیجے میں مرغیوں والی گاڑی برائیٹر ہورائزن اسلامک سکول کے سامنے اُلٹ گئی، جس سے نہ صرف دو افراد زخمی ہوئے بلکہ گاڑی میں موجود کافی تعداد میں مرغیاں بھی مر گئیں۔
حادثے سے لاکھوں روپے کا مالی نقصان ہوا۔ مقامی افراد نے امدادی کارروائی کرتے ہوئے زخمیوں کو ابتدائی طبی امداد فراہم کی۔ پولیس نے موقع پر پہنچ کر صورتحال کا جائزہ لیا۔
گاڑی صبح تقریباً ساڑھے 8 بجے ہٹا دی گئی اور ٹریفک معمول پر آ گئی۔ شہریوں نے انتظامیہ سے مطالبہ کیا ہے کہ خطرناک یو ٹرنز پر مناسب حفاظتی اقدامات کیے جائیں تاکہ ایسے حادثات سے بچا جا سکے۔